|
کرامت قاپوسی ... ( گریز به غارت خیام - قتلگاه -روضۀ اباعبدالله (ع) در قتلگاه برای حضرت علی اصغر(ع))
کیم حسینون دوگه دنیاده کرامت قاپوسین آچار عباسی یقیندور که سخاوت قاپوسین شاه حسین ابن علی اولسا وزیری یاراشار ساخلیا شیر کیمون تحت حمایت قاپوسین دل ایویندن گلون ابراز ائلیک دردیمیزی آچا مولایه اورک بلکه ارادت قاپوسین یا حسین سسلیون آلله تعالی ایشیده عرشیدن باز ائلیه فرشه عنایت قاپوسین الی بوش سینه لره اللریمیز گلمیه جاخ یاپوشا بیلساخ اگر بوردا امامت قاپوسین نیت پاکیله سالار شهیدانی چاغور بزیوب گور نه گوزل قانی شهادت قاپوسین کربلانی یتورن عرشه حسینون قانیدی تل زینبدن آچوب خلقه سعادت قاپوسین بویانان وقته قانا سید مظلوم زمان قویوب عالم بویی واللهی قیامت قاپوسین قانلی گوداله قلم میل ائلیوبدی دیه سن اوپه آماده اولوب شاه ولایت قاپوسین یا علی ایله کمک گوز یاشیمون بارشینه ایسلادا اشک تریم اوغلوین حاجت قاپوسین دردمندم دوگورم ایندی سنق قلبیمیلن حضرت فاطمه نون فوق اجابت قاپوسین اوغلونا آغلاسام احساس ایدورم که آچاجاخ یورولان طبعیمه واللهی روایت قاپوسین یخیلان وقته آتندان یره شاه شهدا آشدی اخیامه قوشون ظلمیله غارت قاپوسین حمله ور اولدی سپاهین یاریسی خیمه لره تارمار ایلمگه یعنی رسالت قاپوسین یاندیران درگه زهرانی مسلمدی آچار اهلبیتون یوزونه بوردا خیانت قاپوسین اوردا بیر ثانی و قنفذدی ووران فاطمه نی بوردا بیر لشکر آچوب ظلم و جنایت قاپوسین اوردا غارت یوخودی بوردا قیامتدی ولی گورسه دور غارت آخی چونکه اسارت قاپوسین زینبون جاه و جلالین داغیدان گور نیلر یاندیرار موقع یغماده جلالت قاپوسین گورسه یا اینکه آدامسیزدی ابوالفضل باجیسی چکر هر نقطیه ایذا و عداوت قاپوسین ئولدورن اکبری اخیامی قویار گور نه گونه باغلار انصافی آچار تازه شقاوت قاپوسین غارتین روضه سی مشکلدی آیا یابن الحسن قورخورام ایلمیم دوزگون حکایت قاپوسین اذن ویرسون گیدک آغلار گوزیلن قتلگهه جدووین اوردا دوؤَک بیرده بو حالت قاپوسین اَل ایاق قانلی سوسوز یاره لی دلخسته امام گزور آللهینون همواره اطاعت قاپوسین دستمازین سو یوخی قاندان آلوب وقت اذان تا نمازین ائلیه زنده قداست قاپوسین دایانوب نیزه یه اخیامه باخور دل نگران دوگور اما اورگی ذکر و تلاوت قاپوسین گئچمیشم دار و نداریمدن الهی بویورور ویره سن جدّیمه محشرده شفاعت قاپوسین اوخ ندی نیزه ندی عشقه گرفتار اولانا لطف ائله آچ منیچون گویده رضایت قاپوسین آچمشام سینه می عشقونده دگه تیر بلا باغلیا آخدوقیجاخ قانی ندامت قاپوسین نفسیم بوسه وورور عهدیمه تحکیم ائلیور فیض اعلای حضورونده ضمانت قاپوسین عهد نامَمده واریمدی بویانام قانیمه من ساخلیا زنده قانیم بلکه عدالت قاپوسین اصغریمدن نگرانیدوم اودا آخر الامر تاپدی میداندا وقاریله شهامت قاپوسین اوخ دگن وقته گولومسندی بالام آغلامادی ناز لبخندی فنا ایتدی خجالت قاپوسین ائله که گولدی گولوم دولدی منیم دیده لریم آشدی گفتاره لبیم غملی حکایت قاپوسین چکرم تیری بوغازوندان اوغول ایندی دیدوم باغلارام یانماقووا سوز حرارت قاپوسین اوپرم پارچالانان حلقووی بی چاره رباب گزمیه دردیوه چوخ بلکه طبابت قاپوسین اوزولوبدی بوغازون چک نفس آخریوی باغلا دنیایه اوغول سنده اقامت قاپوسین حرمله قویمادی باشه یتوشه بیر ایلووی آلتی آیلقدا سنه آچدی قصاوت قاپوسین منّتی بیر کسه یوخ تشنه سن ایچ اوز قانووی گوره تا کوفه لیلر سنده متانت قاپوسین ((گوهری)) لعن اوخویا بلکه جماعتده آچا لعنتین حرمله ی پسته نهایت قاپوسین ******
برچسبها: فرهاد گوهری
+ نوشته شده در یکشنبه ۱۹ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
