|
زبانحال حضرت زینب (س) (سبک : عطری گلور محرمون) غصّه قوتاردی عمرومی خواهر زاریوم حسین گل دوت عزامی شامیده تعزیه داریوم حسین یانمیشام هر مصیبته یانمادی بیر نفر منه گرچه ئوزوم جان اوستیم تعزیه دوتموشام سنه کیم قازاجاقدی قبریمی کیم قویاجاقدی مدفنه سنده منه یار اولماسان من گینه یاریوم حسین ایستمورم بو شهریده آدیمی ئوزگه ئورگشه سن دوت ئوزون سراغیمی قویما یره سوزوم دوشه زینبم اولمارام رضا دامنیوه توز اگلشه باخ بیر ایاقون آلتینا یولدا غباریوم حسین رسمیدی جان وئرن زمان قارداشا ناز ائدر باجی بیر یول الیندن ئوپماقا نذر و نیاز ائدر باجی یارینی تاپسا سفرهٔ قلبینی باز ائدر باجی گل باشیما چک اللرون لحظه شماریوم حسین آند اولا قتلگاهیده باشلادیقون نمازیوه آند اولا حال سجده ده ذکر نیاز و رازیوه بیرده ئولنده ایستورم بوسه ورام بوغازیوه من او وداعه شاهدِ حال فکاریوم حسین ای باشی نیزه ده منه آیه تلاوت ایلین ای قانی قلبیدن آخوب تپراقی تربت ایلین ای مرضه شفا وئرن روحه طبابت ایلین یاز باجویندا نسخه سین درده دچاریوم حسین چوخدی داغی بو سینه مین داغلاماقا نیازی یوخ اشگیله باغلانوب گوزوم باغلاماقا نیازی یوخ گورسه سنی گولر باجون آغلاماقا نیازی یوخ من او وفالی عاشق ناقه سواریوم حسین بسکه چوخ آغلادوب منی قلب زمانه دینجلوب شامیدن اینجیَن باجون شامه گینه قوناق گلوب زخم زبان بو شهریده قلبیمی اوخ کیمی دلوب قانلی مناده حافظ باغ و بهاریوم حسین ****** حاج ولی الله کلامی برچسبها: ولی اله کلامی
+ نوشته شده در یکشنبه ۱۹ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
