|
احوالات حضرت سیدالشهداء(ع)-جوشی دوتوب عالم عزا عطشان حسینه وروب دوت مین یارا عدوان حسینه نه واردی دوره سینده یار و یاور نه ساغدی قاسم و عباس و اکبر دونوب هر سمته دگدی تیر و خنجر اولوب تنگ عرصة میدان حسینه اوجالدی سینه دن افلاکه آهی نشان ایتدی گلن تیره او شاهی دیدی بو حاله شاهدسن الهی ترحّم ایلمور عدوان حسینه ئولوب اوغلوم بو دشت پُر بلاده قالوبدی دوغرانان نعشی عباده آناسی باش آچوب خیمه سراده اولوب دنیا داخی زندان حسینه اولوبدی قاسمون قاندان حناسی عروسون باشلانوب طویدا عزاسی سالوب باشه قرا داماد آناسی بو محنت قویمیوبدور جان حسینه دوشوب قولسوز علمداریم منایه آنام زهرانی گتدی کربلایه نجه قولسوز دوروب گلسون هرایه ایدوبدی خدمت شایان حسینه قالوبدور خیمه ده ویلان رقیّم اولوبدی قلب زاری قان رقیّم یولومی گوزلیور الآن رقیّه دیه دردین او باغریقان حسینه باجیم زینب توکور هجریمده قانیاش منه هر دردیدن بو غم اولار باش یارالی باشیمی گورجک یارار باش اولار حشره کیمین گریان حسینه اولار قلب رقیّه پاره پاره یاتار ویرانه ده یورقون هزاره باتار زلف سمنباری غباره ایدر بیر گون جانین قربان حسینه او آهوی پریشان و رمیده اولار اوچ سنیده قدّی خمیده گیدر نازلی قیزیم قبره شهیده قوپار ویرانه ده طوفان حسینه ****** فرهاد فکری برچسبها: فرهاد فکری
+ نوشته شده در یکشنبه ۱۹ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
