|
احوالات روز عاشورا بیر گوندی بو گون ملک لر آغلار زهرا باش آچوب پیغمبر آغلار ممکن اولا ذات ذلجلاله فریاد و فغان و آه و ناله بی شک باتار غم و ملاله بو گونده خدای اکبر آغلار گوگ اهلی دوتوب عزا حسینه آغلار هامی ما سوا حسینه ایلله بو گون نوا حسینه باطنده تمام یرلر آغلار بو گون پوزولوبدی رکن ایمان یتمیش ایکی جانویروب سوسوز جان قانیله مترجم اولدی قرآن پیغمبر اولوب مکدر آغلار بو گونده حسین ال اوزدی جاندان گچدی نچه ماهرو جواندان گچمز آتاسی یقین او قاندان تا واردی جهان او مضطر آغلار بیر اوخلی سو مشکی قانلو بیرق اسلامه بو گون ویروبدی رونق ئولدوردیلر اهل حقی نا حق بو ظلمی ایشیتسه کافر آغلار عباسه بو گون حسین باخاردی باخدوقجا او گوز یاشی آخاردی قارداش قاننی یوزه یاخاردی اهل ملکوت یکسر آغلار یخدیلا او قوم کینه همدم صاحب علمی علمله با هم شمشاد کیمی قدی اولوب خم سرو سمن و صنوبر آغلار گور اکبری غرق لجة خون لیلانی بو قصه قیلدی مجنون بول ایمدیده آغلیور او محزون ذکر ایلر آدین مکرر آغلار آغلا گوزوم آغلا دورما سنده گور لیلنی اوغلنی گورنده سس چکدی بولوب او گل بدنده اوخ یاره سی زخم خنجر آغلار تا حرمله گوزلرین دوتوب قان سسلندی کمان اوخ اولدی پران قان اولدی بو حاله قلب پیکان معناده خدنگ پر پر آغلار بو گون سو یرینه قان ایچیلدی اصغر ولی چوخ ایچوب سچیلدی اوخ گچمدی چون بوغاز بچیلدی باشدان باشا حلق اصغر آغلار شمر ایتمدی شرم مصطفادن ال چکمدی شاه کربلادن کسدی باشنی سو سوز قفادن گه خنجر و گاه حنجر آغلار شمر الده گلنده قانلی خنجر دیشره توکولوب بنات حیدر یوز قویدیلا قتلگاهه یکسر قرخا کیمی قاره معجر آغلار بو گونده ستم گوگه دایاندی اود وردیلا خیمه گاهه یاندی بو گون حرم خدا تالاندی آل اللهه عرش داور آغلار بولمله بو گونده نه خبر وار بو نوحه ده ((صافی )) بیر اثر وار اهل دل اولان بیلر نه لر وار هر بیتنی ایلر ازبر آغلار ****** برچسبها: میرزا کریم صافی تبریزی
+ نوشته شده در یکشنبه ۱۹ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
