|
وداع آخر امام حسین(ع) خیمه لری ترک ایدوب زادة زهرا حسین سسلدی زینب دایان حسین حسین یا حسین صدمه یتوب قارداشیم گلشن و گلزاروه مشتریدور خلق ایدن رونق بازاروه صاحب اولار زینبون پرچم اَحراروه غم یئمه قربان اولوم عالمه مولا حسین آغلاما قربان اولوم گوزده کی گوز یاشوه صبر ایله قارداش گلیم بیر دولانیم باشوه دوشسه گوزون جنگده یاره لی قارداشوه آلماسون آراموی یاره لی اعضا حسین گلمه بویوردی دایان ای گُل نازیم باجی زینت شیر خدا محرم رازیم باجی باشیم اولار نیزه ده سنله ملازیم باجی روز ازلدن وئریب ئولمگه امضا حسین ایتدی وداع الغرض عترت اطهارنی کوفلیلر ئولدوروب قافله سالارنی آلدی اله شاه دین تیغ شرربارنی لشگریله روبرو اولدی همانا حسین موعظیه آچدی دل وارث خیرالوری ذرّه ثمر ویرمدی چالدی دُهل اشقیا حیف اولا صد حیف اولا اولمادی صاحب لوا پرچم آچا آت سوره وارث طاها حسین تیغ شرر بارنی ایلدی عریان حسین ویردی ئوزون لشگره فارس میدان حسین زینب کبری دیدی جانوه قربان حسین نسگل اولا عرصده یکه و تنها حسین حمله ایدوب دشمنه حجت پروردگار معرکه ای جنگده کوچه آچور ذوالفقار سیندی صفوف قشون اولدی غرض تار و مار قوم فراعین اوچون بهرده موسا حسین شعشعة ذوالفقار برق بلادور شاخور گردننه دشمنون طوق مذلت تاخور قان سو کیمین عرصده توپراقین اوسته آخور لشگره وحشت سالوب فارس هیجا حسین منشأ ایمانه باخ همّت سر شارله جنگ ایلیور بیر نفر لشگر کفارله روبه ایدنمز جدل ضیغم کرارله اوخدی ، قلج ، نیزه دور ایتموری پروا حسین دوره لیوب اشقیا تکجدی دسیاری یوخ اکبر و قاسم ئولوب یارله انصاری یوخ پرچم حُریّتی یئرده علمداری یوخ تنگه دوشوب سینه سی ایلدی دعوا حسین چکدی الین جنگدن تکیه ایدوب نیزیه آز قالوری شاه دین رخت شهادت گیه اولمادی ممکن گله معرکدن خیمیه مرکبین اوسته بیر آز ایتدی تماشا حسین ویردیلار اوخ قلبینه تاب و توان قالمادی سو کیمی اولدی روان جسمیده قان قالمادی دوشدی آت اوستن یره جان جهان قالمادی (( ناطقی )) بس قاننی ایلدی اهدا حسین برچسبها: محسن محمدی هشترودی ناطق
+ نوشته شده در یکشنبه ۱۹ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
