|
ورودبه سرزمین کربلا غم کاروانی یتدی صحرای کربلایه اسب حسین دایاندی گلدی او دم نوایه وار آلتی آت روایت ایتدی عوض بو چولده بیر بیر گلوب دایاندی دوردی اوگون او یرده آثار وحشت اولدی ظاهر او پر خطرده گویا او گون یتشدی سلطان دین منایه اندی حسین آتندان او ارض نینوایه قالخوب اوتوردی بیر توز او صورت صفایه بنزردی گل جمالی گویا دوتولموش آیه گورجک او حالی کلثوم گلدی او دم صدایه عرض ایتدی ای برادر بو توز نه توز دی قوندی گلزار گول جمالون گویا خزانه دوندی لاله صفت بو قلبیم یاندی کبابه دوندی عشقون منی حسین جان سالدی غم بلایه فرمایش ایتدی باجی صبر ایله سن بو حاله بو توز ئولوم توزودی اگلشدی گل جماله صبر ایت باجی سن ایندی ایتمه فغان و ناله قالو بلا گونونده عهدیم بودور خدایه امر ایتدی ای حسینه سردار اولان ابوالفضل امت یولوندا قولسوز قربان اولان ابوالفضل ای تشنه اهل بیته سقا اولان ابوالفضل نصب ایت حرم خیامین بو دشت پر بلایه آگاه اولون بودشتون چوخ چوخ بلاسی واردور گلمز حسابه ظلمی جور جفاسی واردور قربانلاریم کسیلسه یاخشی صفاسی واردور کرب و بلا خلیلی آماجدور بلایه بو دشت پر خطرده قانیمی منیم توکللر بو سینمه او گونده یتمیش بیر داغ چکللر جدیم خبر ویروبدور بو یرده دفن ایدللر اوز اختیاریمیله ویرم رضا قضایه بیرده او ((سیدین)) چوخ گلمک خیالی واردی صحرای کربلانی گزمک خیالی واردی شش گوشه قبر پاکی گورمک خیالی واردی گورسه او توزلی قبری دردی یتر دوایه ******
برچسبها: سید
+ نوشته شده در یکشنبه ۱۹ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
