|
سینه زنی اعلان عزای امام حسین(ع) قورولدی اعلان عزا گلون عزایه شیعه لر قافله حسین گلور کرب و بلایه شیعه لر یواش یواش مشامیمه محرمون عطری گلور چکولّه قاره هر یره هامی وظیفه سین بلور غمِ حسین فاطمه قلوب شیعه نی دلور خبر ویرون بو شهریده اهل وفایه شیعه لر کیم آلمیوب قراسینی گیدوب تدارک ایلسون گرک حسینچیلر گلوب بو یرده بیرلیگ ایلسون آغلاماقا اورکلری گرکدی نازک ایلسون وضو آلوب ادبله گل بزم صفایه شیعه لر قرا علم اسور دیور گلون حسین عزاسینه ویرون تسلی درگهی اودلانان آناسینه یقین اودا دوتوب عزا سوسوز ئولن بالاسینه یاخندی زینبی گیده دشت بلایه شیعه لر یواش یواش حسین آدی دوشوب دوباره دیللره قرا عَلَم اوشاق بویوک آلور دوباره اللره محرمی خبر ویرور دینده نوحه ائللره مریضلره خبر ویرون گلسون دوایه شیعه لر ویرون بو گیجه باش باشا حسینه با هم آغلیاق ابوالفضلی یاد ایلیوب او زاره سینه داغلیاق عذاره غملی گوز یاشین وراندا سینه داغلیاق یانا ستمله اهل دل بو آه و وایه شیعه لر علمدارین فراتیدن گلنده کسدیلر یولون وروبلار اوخ سو مشگینه آلوبلا ساقیله صولون سالوبدی قوم اشقیا او تشنه نین ایکی قولون چاغوردی غملی شاهینی او دم هرایه شیعه لر سسین آلوب خیامیدن او فاطمه نشانه سی گتوردی ذوالجناحینی زینب نازدانه سی عرشه چخوردی زینبین فریاد جانستانه سی یارلی قارداشا حسین سالوبدی سایه شیعه لر (( بیضائی)) بسدی غم سوزون یازدون اورکلر آغلادی سرای قدسیده اونا یانوب ملکلر آغلادی خیمده ویردی سس سسه قاره لچکلر آغلادی ایسته گئداخ بو جمعیلن قانلی منایه شیعه لر ****** بیضائی برچسبها: محمدصادق بیضای اردبیلی
+ نوشته شده در یکشنبه ۱۹ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
