|
وداع حضرت اباعبدالله الحسین علیه السلام حسین گل زینبون باشه ، دولانسون خیمه دن آیرل الون قوی سینمه صبریم ، چوخالسون خیمه دن آیرل قمرتک قارداشون باتدی سنه قربان اولوم قارداش علی داغی چوخ آغلاتدی سنه قربان اولوم قارداش علیّ اصغرون یاتدی سنه قربان اولوم قارداش قبول ایله باجون قربانون اولسون خیمدن آیرل حسین لیلا چوخ آغلور هجر اکبردن اونی دیندیر اگر ممکن اولور قارداش ربابون گوگلون آل دیندیر منه الهام اولور قارداشوی گیت مرکبه میندیر آنام گوزلور دیور قویما یوبانسون خیمدن آیرل الونده دردیمه قارداش شفاعت وار حسین جانی ئوپَم نازلی بوغازوندن حکایت وار حسین جانی ایاق ساخلا آنامدان بیر امانت وار حسین جانی دیوب قانه بو پیراهن بویانسون خیمدن آیرل دئدون قانون توکولسه پرچم اسلام اولار زنده اولار تا حشره تک جدّیم رسولون آدی پاینده مگر زهرا قیزی رخصت ویرر رخنه تاپا دینده گرکدور پرچم اسلام اوجالسون خیمدن آیرل جهاده دوزدی اذنیم یوخ ولی شهزادیم قارداش نهنگ آسا بئله فرض ایله من دریادیم قارداش ابوالفضل قارداشیم تک ئولماقا آمادیم قارداش هراسیم یوخ قیامتده یارانسون خیمدن آیرل منه آیرلماقون دوزدی اورکده بیر عذاب اولدی اوشاقلار آغلیور قارداش اودور قلبیم کباب اولدی بو گوز یاشه وداعون یوخ ، حسین باعث رباب اولدی بیر آز قالدی او ساچلاری آغارسون خیمدن آیرل اولان بانی صدوقیدور بو اشعاره اذان وقتی یازان «صادق» شفا ایستردی بیماره اذان وقتی الونده وار گوزی قارداش او بیچاره اذان وقتی نظر قیل خواب غفلتدن اویانسون خیمدن آیرل ****** محمد رضا صادقی برچسبها: محمدرضا صادقی شیدا
+ نوشته شده در جمعه ۱۷ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
